प्रसिद्ध संगीतकार राजेश थापा आफ्नो जन्मथलोमा सम्मानित भएका छन । यहि असार ७ गते शुक्रवार अर्थात जुन २१ तारिक विश्व संगीत दिवसको अवसर पारेर काभ्रेको वेथानचोक- ३ ले एक विशेष समारोह आयोजना गरी थापालाई सम्मान गरेको हो । पालिका भित्रका विध्यालाय स्तरिय कविता प्रतियोगिता सहित आयोजना गरिएको कार्यक्रममा पालिका प्रमुख भगवान अधिकारी, वडा प्रमुख कुबेर ढकाल, कवि अभय श्रेष्ठ आदिले दोसल्ला र ताम्रपत्रद्वारा थापालाई सम्मान गरेका थिए ।
कार्यक्रममा बोल्दै पालिका प्रमुख अधिकारीले वेथानचोकमा जन्मिएर सांगीतिक क्षेत्रमा राष्ट्रिय तथा अन्तरराष्ट्रिय स्तरमा ख्याति कमाउन सफल स्रस्टालाई सम्मान गर्न पाउनु गर्वको कुरा भएको बताउनु भयो । साथै सम्मानित थापाले विश्व संगीत दिवस जस्तो पवित्र दिनमा आफू जन्मेर हुर्किएको ठाउँमा सम्मानित हुँदा शब्दमा व्यक्त गर्न नसकिने खुशी मिलेको बताए । छबि श्रेष्ठले संचालन गरेको कार्यक्रम वडा प्रमुख कुबेर ढकालको सभापतित्वमा सम्पन्न भएको थियो ।