संगीत-क्षेत्रमा झन्डै दुइ दशक देखि क्रियाशील स्रष्टाको नाम हो सुवर्ण श्रेष्ठ। बहुमुखी-प्रतिभाका धनि श्रेष्ट संगीत सृजना बाहेक गीत तथा सम्बाद लेखन, सम्पादन,निर्देशन, भिडियो खिच्ने मात्र नभई रेकोर्डिंग को काम समेत कुशलातापुर्बक गर्नु हुन्छ ।उनै बहुमुखी प्रतिभाका धनि स्रष्टा श्रेष्ट द्वारा प्रस्तुत गरिएको गीत “बोतलको नशा” मा एउटी प्रेमिका जसले आफूले अत्यन्तै माया गरेको प्रेमी कुनै अर्को प्रेमिकासँग लागे पछि मन दुख्नु स्वभाविकै हो । यसै दुखाइसँगै नशामा लागेकी प्रेमिकाको कथा हो “बोतलको नशा” । हालै गायक, संगीतकार, गीतकार सुवर्णकुमार श्रेष्ठले यस्तै कथामा आधारित “बोतलको नशा” गजलको म्युजिक भिडियो सांगितिक बजारमा ल्याएका छन् । जसमा गायिका रन्जु मगरको मिठो आवाज रहेको छ भने मोडलहरु श्रेया दुलाल, रमेश ढकाल र श्रीया नेपालको अभिनय रहेको छ । यस भिडियोलाई संगीतकार स्वयम् ले निर्देशन गरेका छन् । त्रिकोणत्मक प्रेम कथामा बनेको यो भिडियोमा नारी पात्रलाई नशामा तड्पिएको देखाउनु नै खास विशेषता रहेको छ । समाजमा पुरुष पात्र मात्र होइन नारी पात्र पनि प्रेममा तड्पिन्छे भन्ने कुरालाई यस कथामा प्रस्तुत गरिएको छ ।
“बोतलको नशा” गजलको मेल भर्सन यस अघि नै रिलिज भैसकेको छ र यी भिडियोहरुलाई भिडियोक्राफ्ट नेपाल युटुब च्यानलमा हेर्न सकिन्छ । मन छुने गजलमा बनेको यस भिडियोले दर्शक स्रोताहरुको माया पाउने आशा गरिएको छ ।